Astronomy

A starn-formin region in the Muckle Magellanic Clood, an irregular galaxy.

Astronomy (frae Greek: αστρονομία) is a naitural science that studies celestial objecks an phenomena. It applies mathematics, naitural philosophy, an chemistry, for tae explain the origins of thon objecks an phenomena an their evolution. Objecks of interest taks in planets, muins, starns, galaxies, an comets; whereas the phenomena taks in supernova flists, gamma ray bursts, an cosmic microwave backgrund radiation. Mair generally, aw astronomical phenomena that comes frae furth of the Yird's atmosphere is athin the scowth of astronomy. A sib but sindry subjeck, the physical cosmology, is concerned wi the study of the Universe as a haill.

Astronomy is the auldest o the naitural sciences. The earliest civilisations in recordit history, as in the Babylonians, Greeks, Indians, Egyptians, Nubians, Iranians, Chinese, an Mayans wir performin purposefu observes of the nicht lift. Historically, astronomy haes taen in disciplines as diverse as the astrometry, celestial navigation, the observational astronomy an calendar-makin, but professional astronomy is nou aften consithered tae be sel-an-same wi the astrophysics.

Durin the 20t century, the field of professional astronomy wis riven intae observational an theoretical brainches. The observational astronomy is focused on gettin data frae observes of astronomical objecks, whilk is than scanced yuisin basic prenciples of physics. The theoretical astronomy is focused on the up-biggin of computer or analytical pattrens tae descrive astronomical objecks an phenomena. The twa fields complement ilk ither, wi the theoretical astronomy seekin tae explain the observational results an observes gettin yuised tae homologate theoretical results.

Astronomy is ane of the fyew sciences whaur amateurs can aye play an active pairt, mairfortaiken in the discovery an observation of by-gaun phenomena. Sma-expairienced astronomers hev made an contribute tae mony wechty astronomical discoveries, for ensample findin new comets.

Fremmit airtins

• Czech astronomie (in Czech)
• Astronomie in Canada Archived 2004-01-24 at the Wayback Machine (in baith the French an the Inglish)
• Aurora Borealis (gies a chyce atween 6 leids)