Txikipedia:Azala

Ongi etorri Txikipediara Umeentzako euskarazko entziklopedia txiki eta askea

Gaur 2019ko martxoaren 19a, Asteartea da eta 1.493 artikulu ditugu.

🔎  Bilatu

💡  Ba al dakizu?

Goiko esaldia ez dago ondo; behekoa da zuzena:
👎🏼 "Esan didate ezin ditudala ekarri jostailurik."
👍🏼 "Esan didate ezin dudala ekarri jostailurik."

Zer da Txikipedia?

Txikipedia 8-13 urte bitarteko umeentzako euskal entziklopedia bat da, adin-tarte horretako umeentzako moduko lexiko eta sintaxiarekin egina; horregatik, euskara garbi eta errazean idatzita egotea da gure helburua, umeen eskola-beharretara moldatua, baina ulergarritasunari garrantzi handia emanez. Txikipediaren oinarrian, Vikidia izeneko online wikientziklopedia dago, euskaraz 2015ean hasi zena, eta beste hainbat hizkuntzatan ere funtzionatzen duena, hemen aipatutako helburuekin.

Norentzat da Txikipedia?

Txikipedia 8-13 urte bitarteko umeentzat da, eskolako beharretara begira egina, baina ez bakarrik. Izan ere, euskara errazean idatzitako Wikipedia moduko bat izatea nahi dugu, eta, hartara, euskara ikasten ari diren helduentzat ere izan daiteke baliagarria. Edozeinek kontsultatu ahal du, nahi dugulako artikulu irakurterrazak eta ulerterrazak egotea. Wikipediaren bertsio laburtu edo errazago bat izatea nahi dugu, batzuetan Wikipediako artikuluak luzeak, konplexuak eta zailak izaten direlako.

Nork egiten du Txikipedia?

Txikipedia wiki proiektuan edonork parte har dezake, artikuluak idatziz, aldatuz edo osatuz, informazioa gehituz edo zuzenduz. Horretarako kontua ireki beharra dago, baina oso erraza da. Hori bai, beti errespetatu behar dira egile-eskubideak.

Bestalde, gure asmoa da 8 eta 13 urte bitarteko euskal umeek berek ere parte hartzea Txikipedia egiten, haiek izatea interesatzen zaizkien artikuluak idazten, osatzen edo zuzentzen dituztenak, baina betiere euren irakasleen laguntzarekin; horrela, euren ekarpena egin dezakete, eskolarako baliagarriak izan daitezkeen gaietan.

Irakaslea bazara eta proiektu bat egin nahi baduzu, idatzi eutxikipedia@gmail.com helbidera.

📰  Artikulu nabarmendua

Eguzki-sistema.

Eguzki-sistema da espazioan okupatzen dugun inguruari eman diogun izena. Izar bat (Eguzkia), zortzi planeta, bost planeta nano, 100dik gora ilargi eta beste hainbat objektu txikiagoz osatuta dago. Sistemako izarra sistemaren erdian dago eta gainontzeko objektu guztiak haren grabitatearen eraginpean daude, haren inguruan orbitatzen (jiraka).

Eguzki-sistema Esne Bidea izeneko galaxian dago. Zentzu zabalagoan, Eguzkiak espaziora bidaltzen dituen partikulen eraginpean dagoen espazio-eremu osoa da.

↪ Segitu

📷  Irudi nabarmendua

Marte eta Lurraren tamainak konparatzeko irudia. Marte planetaren izena izen bereko jainko erromatarretik dator, martxoaren izena bezala. Bazenekien hori?

Asteko argazkia

Marte eta Lurraren tamainak konparatzeko irudia. Marte planetaren izena izen bereko jainko erromatarretik dator, martxoaren izena bezala. Bazenekien hori?

📰  Hauetako artikuluren bat egin nahi?

Hemen aurki dezakezu egiteko dauden artikuku interesgarri batzuen zerrenda:

• Katolizismo
• Herri-musika
• Harpa
• Ganbera-orkestra
• Iparraldeko Europa
• Alpeak
• Delta
• Euskal Herria
• Euskal Autonomia Erkidegoa
• Euskalki
• Hizkuntza-familia
• Indoeuropar hizkuntzak

Beste hauek, aldiz, osatzeko daude:

• Bulgaria
• Mexiko
• Garraio